【修眉啦你！】
以我咁貪靚嘅性格，大家應該都好難想像我未正式修過眉，但其實作...

【修眉啦你！】
以我咁貪靚嘅性格，大家應該都好難想像我未正式修過眉，但其實作為男人，唔係唔想靚，只係最大心理關口係要坐喺專櫃入面...

適逢人妻 weekend 有 event，我等～寂寞到夜深，卒之鼓起勇氣 walk-in Bobbi Brown Cosmetics ，接受處男修眉服務。

MUA首先會仔細望清楚本身眉形情況，然後了解客人意願，例如幼d、sharp d等等...而MUA哥哥知道我第一次，所以建議跟返我原先嘅形狀修飾一下。

手勢方面，MUA摩打手咁，最快一秒可以蚊5-6下，唔知以為佢剪緊頭髮，大概20分鐘就完成喇。修完之後望落去sharp咗，感覺乾淨好多，其實男仔最重要，都係帶俾人清新乾爽感覺，right? (與圖中啱啱訓醒自拍無關😴)

雖然唔係好覺痛，但後來發現我兩條眉都紅咗，唔怪得做完多咗人望我，你唔係為自己靚仔呀嘛？最後冇嘢搽舒緩返紅腫情況，要扣少少分播...

是次單次性修眉$250，唔知各位姊妹又有冇好介紹？請賜教！

#修眉 #BobbiBrown

發姣人夫 Flirty Hubby

About author

身為人夫仍然發姣，努力護膚， 為嘅只係令皮膚由「好差」變到「差」。 主張「一個認真護膚嘅男人背後，總有一個識欣賞嘅女人」。 從前，爆瘡留痕、油光滿面，污糟邋遢， 到今日正正常常，並唔係一朝一夕嘅事。 男人要的起心肝護膚，實在需要女人日哦夜哦，軟硬兼施。 老婆一句：「你應該做下深層清潔… 你個鼻如果冇黑頭就不得了…」 發姣人夫就啟動咗發姣mode，不斷尋求改善皮膚嘅方法， 一試，就上癮… 所以，特此開此專頁， 分享男生護膚嘅小貼士， 鼓勵各位女生分享俾妳隻佬：喂！學下人地啦！ 利申：發姣人夫仍然係半桶水，但好過咩都唔做啦係咪先！

---

身為人夫仍然發姣，努力護膚，為嘅只係令皮膚由「好差」變到「差」。主張「一個認真護膚嘅男人背後，總有一個識欣賞嘅女人」。

2359 followers 2351 likes "http://flirtyhubby.blogspot.hk/"

View all posts